الباجي و “البخور” العجعاجي

تكتبه : درصاف المهري

الباجي مستعد يعلق بلاكة على تونس «هنا سوريا» والا ليبيا و ما ينحيش فكرة ولدو في الرئاسة…المشكلة لوكان حتى جا سي ولدو يفهملها والا صاحي…ال24ساعة غايب عالوجود..قلنالو يا عمي الباحي انت بطبيعتك جيت مالتاريخ المخزز اعمل حاجة تنفعك في خاتمتك وادخل للتاربخ بحاحة تُصلح وماكش عامل مزية راك…وامتثل للديمقراطية والدستور مزلنا كيف رجعنا ركّزنا صورة تونس بين الناس والله كان تسمع الصحافة العالمية الاقلام والاصوات الحرة اش تقول علينا شي يفرّح الناس حاسدتنا بلد صغير وشعبو صنع الديمقراطية ومحافظ علاها…ا خويا ولدك في دارك..شنوا يقلقك انت كيف نعملو انتخابات والي يجيبو الصندوق صحة ليه..الللهم عاد كان إنت متأكد كما احنا متأكدين الي حافظ ما يجيبش اكثر من اربعة اصوات انت وامو و بن تيشة وبرهان….هكاكا وخيّا الله غالب علينا وعليك..هاذاكا قمحك اش طيّح..خاطينا ..فلوس الامارات كان بش تنفعك راهي نفعتك في البلديات…وساويريوس و بن سلمان حتى يسلكوها لرجليهم ..لو كان جيت منّك هذا حافظ انقدم بيه قضية عقوق والدين و يتحكم عليه بالنفقة و منحة السكن ليك انت والشادلية شكون يعرف عالوقت بالك الدستور ينقحوه بعدك و يعملولك قانون العزل من جديد ويقصو عليك الماء والضو خاصة دوسيك رزين..عالاقل تلقى مصيريف عقاب عمرك..قلو يخلط على حبيب بورقيبة الابن ويسيب البلاد والا غلبتك البلاصة تحب ونيس؟؟قول ميسالش وهكاكا نطلبو مالمجلس يعفيك لا حس لا سترات حمراء لا مجلدات تخرج رايض على روحك و نفقتك تمشي وتحط كي تستوحش مسلسل جلسات الحقيقة والكرامة تتفرج عليهم و اتبع قناة الجزيرة وساعة ساعة و احيانا أخرى اجتماعات صاحبك راشد الغنوشي الشعبية وتتمتع بالديمقراطية…منك تهدي اعصابك ومنك راكش على روحك و حافظ هذا حطو.جنّان يعس عالنعناع مش متاع ادارة ومجلس امن قومي وسفرات و توسيم مجرمين بالوسام الاكبر للجمهورية..صحيح ذاك الرهدان من ذاك التجمعي اما خاطيه اللعب هذا ما يضربلكش للكعبة في التزوليق …الشراب يغلّط نعرف ..مولى دبو الشراب يصلي بالناس في صلاة العيدين في جبة زادة..الله الله يا باجي ما خلّى ربي ما عطانا ..الانتخابات ستجرى في ميعادها كان حب ربي والاحزاب المعارضة كما النداء كان المرة الاخرى قوّمت اندادك مالقبر يا مولى الدار الكبيرة باش يصوتولك…المرة هذي حافظ ماكش بش تلقالو لا فوق الارض لا تحت الارض لا من جماعة السنة و لا من جماعة الفرض شكون يصوتلو ….خليك رايض معناها وبرا استقيل خير و نوعدك كوحدة مناس ناقف معاك و نشوفلك تلفزة باهية صورتها واضحة بش تتفرج على تونس بلاش بيك كفاش ولات..قتلك..ودليلك ملك ..وراهو مش كل يوم بش تلقى مساند كيفي فرصة وجات لحد عندك اووعاا تفرّط فيها راح تندم يوم لاينفع سفير الامارات وعمامتو ولا ساريوس و كنيستو..ولا بلحة و اهراماتو..ولا بن تيشة ودبايرو…ولكم سديد النظر…

ملاحظة : مقالات الرأي لا تعبر عن موقف “اليوم “

محرز العماري

محرز العماري

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *