خربة بن علي

بقلم : نسرين نسرين

بن علي بعد 23 سنة رد تونس خربة مزينة مالبرة ومخروبة مالداخل … سبيطارات عالحيط بنية تحتية عالحيط حقوق عمال عالحيط …. مؤسسة أمنية عالحيط … جيش يشكي لربي … سياحة متخلفة متاع القرون الوسطى …. أما التوانسة كانو ساكتين خاطر الإعلام يعمل في التعتيم والبوليس جابد العصا … اليوم فجأة نحينا الغطاء الي كان مزين وإكتشفنا أنو جيشنا وأمننا كانو ياسر ضعاف والدولة التونسية صرفت المليارات باش حسنتهم واليوم عنا جيش وأمن أقوى الف مرة من وقت بن علي … عطينا برشة حقوق للخدامة وحسنالهم الشهريات والترقيات والإمتيازات والمنح وهذا كلفنا قرابة الأربعين ألف مليار .. حسنا السبيطارات والتزويد بالماء ( محطات التحلية ) وعوننا الفلاحة ( الغاء القروض ) .. تي حاصيلو الدولة صرفت آلاف المليارات باش تصلح الدمار الي خلاتو الديكتاتورية والي كان مزين مالبرة ومخروب مالداخل …. دونك الحماية المدنية متاعنا حالتها متعبة ياسر وموروثة من سنوات الدكتاتورية يلزمنا نصرفو عليها آلاف المليارات باش تتحسن وتولي في المستوى … ولهذا لاهي غلطة الشاهد لا الصيد لا الترويكا .. هذي ورثة كارثية خلاهالنا بوهم الحنين وهانا نقاسيو فيها … دونك بربي كل واحد يقلكم ياحسرة عالبعلول شلبقوه بدون رحمة ولا شفقة..

محرز العماري

محرز العماري

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *