علاش هكا ؟

بقلم غاده قني

ماكم تعرفوني كيف تبدى نتفلسف عندي مديدة وانا نتبع في جيرانا المغاربة ، وكل مرة نقول صحة لهم ، شوف الناس إلي تخدم ، شوف كفاش الملك قاعد يجري ويجري وهاو ثقافة و هاو سياحة و هاو مهرجانات …… لكن كما يقول المصري : “الفار لعب في عبي ” نجي نشوف نلقى المصايب متاعنا عندهم فوائد و إلي مهبلني إلي تواتر الأحداث ماهوش إعتباطي و قاعد يتخدم على قاعدة صحيحة مانيش فاهمة ، يا هما قاعدين “يخدمو ” ،يا ثمة إشكون قاعد يخدملهم إضرابات وتسكير كياسات…. المستثمرين فاصعين من تونس ماشين للمغرب الإرهاب و الاعتداءات على السياح ….. السياحة ماشية وتزدهر عندهم التصدير ، الاسواق متع الخضرة و الغلة إلي كنا نصدرولهم إتسكرت علينا ، قال شنوا ماهيش مطابقة للمواصفات ، مشات للمغرب… الطلبة الافارقة ، إتحيرت هاو عنصرية هاو إستعمال عنف ،هاو ضربوهم …… قريب 6000 طالب كانوا يدخلو في العملة الصعبة طاروا ، وين مشاو ….. للمغرب ، إلي معاملتلهم بالباهي عملتلهم كونفيدرالية كاملة لهم هما Conféderation des Etudiants et Stagiaires Africains au Maroc توا بش يبدا اللعب على قطاعات أخرى اتدخل في العملة الصعبة كيما القطاع الصحي ، معناها التحرويد متع الحكايات و الاغلاط الطبية مهوش من فراغ ، عدك بيهم اللبيية إلي يداويو في تونس و الاجانب إلي يجيو يعملو عمليات تجميل في تونس الكل يتحولو للمغرب عدك بيها حكاية الجزائر و المغرب متع الحدود تتحل و يرجعوا سياح الدزيرية يمشيو للمغرب . إلي نشوف فيه إلي جارتنا يا قاعدة تخدم يا يخدمولها في خدمة صحيحة ، يا إما قاعدين حالينلها اللعب بش يلنصيوها و يمارسوا عليها ضغوطات كبيرة ممكن ياسر بش ينجمو يوصلو للدزاير . و الله أعلم .

غاده قني

محرز العماري

محرز العماري

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *