هوى نجم فؤاد نجم الفاجومي أبو جلابية

 البعض يراه حشّاشا ، مزواجا ، و البعض يراه شاعر الفقراء ، و البعض يراه مشاغبا ، يقول الكلام الالذع كما اتّفق ،،لكنّه عموما شاعر فاز بالشهرة مع الشيخ امام الذي قال فيه انّه قيتارته التي انكسرت ،،و قد  فاز أخیراً ، بجائزة "مؤسسة الأمیر کلاوس الهولندیة للثقافة والتنمیة و لكن الموت أوقف التسليم الذي كان مقررا في جانفي المقبل

من أشهر قصائده ، تلك التي هاجم فيها خصومه من سياسيين و غيرهم ، من ذلك قصيدة "الحمدلله خبطنا تحت بطاطنا" التي عبّر فيها عن مرارة الهزيمة سنة67،و رمز فيها لعبد الناصر ، بعبد الجبّار ،،و لكنّه ألّف قصيدة  زيارة لضريح عبد الناصر ، التي مدحه فيها  يقول في ذلك :

أنا كنت بشتم عبد الناصر وهو عايش.. ولما مات رثيته بقصيدة فريدة..

و سخر من السادات في اكثر من قصيدة غنّاها الشيخ إمام و أشهرها" البتاع" التي هاجم فيها الانفتاح الكاذب الذي جاء به السادات.

و سخر من حسنين هيكل في قصيدة "الاستاذ ميكي" ، و سخر من المثقفين عموما ، في قصيدة" يعيش اهل بلدي"

و سخر من رئيس فرنسا في قصيدة" فاليري جيسكار ديستان" ،و من رئيس امريكا ، "شرّفت يا نيكسون بابا"

كما بكى "جيفارة" في قصيدة "جيفارة مات"

 بعض قصائد الفاغومي ، أب

قصيدة البتاع

يا للي فتحت البتاع

فتحك على مقفول

لأن أصل البتاع

واصل على موصول

فأى شئ في البتاع

الناس تشوف على طول

والناس تموت في البتاع

فيبقي مين مسؤول ؟

وإزاي حتفتح بتاع

في وسط ناس بتقول

بأن هذا البتاع

جاب الخراب مشمول

لأنه حتة بتاع

جاهل غبي مخبول

أمر بفتح البتاع

لأنه كان مسطول !

وبعد فتح البتاع

جابوا الهوا المنقول

نكس عشوش البتاع

وهد كل أصول

وفات في غيط البتاع

قام سمم المحصول

وخلا لون البتاع

أصفر حزين مهزول

وساد قانون البتاع

ولا علة ولا معلول

فالقاضي بتع البتاع

فالحق ع المقتول

والجهل زاد في البتاع

ولا مقري

ولا منقول

والخوف سرح في البتاع

خلا الديابه تصول

ويبقي البتاع في البتاع

والناس صايبها ذهول

وأن حد قال دا البتاع

يقولوا له مش معقول

وناس تعيش بالبتاع

وناس تموت بالفول

وناس تنام ع البتاع

وناس تنام كشكول

آدي اللي جابه البتاع

جاب الخراب بالطول

لأنه حتة بتاع

مخلب لراس الغول

باع البتاع بالبتاع

وعشان يعيش على طول

عين حرس بالبتاع

وبرضه مات مقتول

بصراحة يا أستاذ ميكى

بصراحة يا أستاذ ميكى

إنك رجعى وتشكيكى

قاعد لامؤاخذة تهلفط

وكلامك رومانتيكى

عن دور الحل السلمى

واستعماله التكتيكى

*********

الحمد لله خبطنا تحت بطاطنا

الحمد لله خبطنا

تحت بطاطنا

يا محلا رجعه ظباطنا

من خط النار

يا اهل مصر المحميه

بالحراميه

الفول كتير والطعميه

والبر عمار

والعيشه معدن واهي ماشيه

اخر اشيا

مادام جنابه والحاشيه

بكروش وكتار

ح تقول لى سينا وما سينا شي

ما تدوشناشي

ما ستميت اوتوبيس ماشى

شاحنين انفار

ايه يعني لما يموت مليون

او كل الكون

العمر اصلا مش مضمون

والناس اعمار

الحمدلله وأهي

ظاطت

والبيه حاطط

في كل حته

مدير ظابط

وإن شالله

حمار

ايه يعني فى العقبه جرينا

ولا ف سينا

هى الهزيمه تنسينا

اننا احرار

ايه يعني شعب ف ليل ذلة

ضايع كله

دا كفاية بس اما تقول له

احنا الثوار

الحمد الله ولا حولا

مصر الدوله

غرقانة فى الكدب علاوله

والشعب احتار

وكفايه اسيادنا البعدا

عايشين سعدا

بفضل ناس تملا المعده

وتقول اشعار

اشعار تمجد وتماين

حتى الخاين

وان شا الله يخربها مداين

عبد الجبار

******

شرفت يا نيكسون

شرفت يا نيكسون

شرفت يا نيكسون بابا يابتاع الوو ترجت

عملولك قيمة وسيما سلاطين الفول والزيت

فرشولك أوسع سكة من راس التين على مكة

وهناك تنفذ على عكا ويقولوا عليك حجيت

"ؤاهو مولد ساير داير شيلاه يا صحاب الييت"

جواسيسك يوم تشريفك عملولك دقة وزار

تتقصع فيه العايق’ والساكت والمنشار

والشيخ شمهورش راكب ع الشعب وهات يامواكب

وبواقي الزفة عناكب ساحبين من تحت الحيط

" واهو مولد ساير داير شيلاه يا صحاب البيت"

خد مني كلام يبقى لك ولو انك مش ح تعيش

لاح اقول اهلا ولا سهلا ولاتيجي ولا ماتجيش

بيقولوا اللحم المصري مطرح مابيسري بيهري

وده من تأثيرالكشري والفول والسوس ابو زيت

واهو مولد ساير داير شيلاه يا صحاب البيت

********

فاليري جيسكار ديستان

والست بتاعه كمان

حيجيب الديب من ديله

ويشبع كل جعان

يا سلاملم يا جدعان

ع الناس الجنتلمان

داحنا حنتمنجة واصل

وحتبقى العيشة جنان

التليفزيون حيلون

والجمعيات تتكون

والعربيات حتمون

بدل البنزين بارفان

وحتحصل نهضة عظيمة

وحيبقى علينا القيمة

فى المرسح او في السيما

او ف جنينة الحيوان

وحتبقى الاشيا زلابية

ولا حوجة لسوريا وليبيا

وحنعمل وحده ارابيا

مع لندن والفاتيكان

والفقرا حياكلوا بطاطا

وحيمشوا بكل الاطة

وبدال ما يسموا شلاطة

حيسموا عيالهم جان

ودا بفضل صديكي

ديستان الرومانتيكي

ولا حدش فيكو شريكي

فى المسكن والدكان
*********

جيفارا مات

جيفارا مات

آخر خبر فِ الراديوهات

و فِ الكنايس

و الجوامع

و فِ الحواري

و الشوارع

و عَ القهاوي و َ البارات

جيفارا مات

جيفارا مات

و اتمد حبل الداردشة و التعليقات

********

مات المناضل المثال

يا ميت خسارة عَ الرجال

مات الجدع فوق مدفعه جوّه الغابات

جسّد نضاله بمصرعه

و من سُكات

لا طبالين يفرقعوا

و لا اعلانات

********

ما رأيكم دام عزكم

يا انتيكات

يا غرقانين

فِ المأكولات و الملبوسات

يا دفيانين

و مولعين الدفايات

يا محفلطين (1)

يا ملمّعين يا جيمسنات

يا بتوع نضال آخر زمن

ف العوامات

ما رأيكم دام عزّكم

جيفارا مات

لا طنطنة

و لا شنشنة

و لا إعلامات و استعلامات

عيني عليه ساعة القضا

من غير رفاقه تودّعه

يطلع أنينه للفضا

يزعق و لا مين يسمعه

يمكن صرخ من الألم

من لسعة النار فِ الحشا

يمكن ضحك

أو ابتسم

أو ارتعش

أو انتشى

يمكن لفظ آخر نفس كلمة وداع

لَجل الجياع (2)

يمكن وصية للي حاضنين القضية

بالصراع

صور كتير ملو الخيال

و ألف مليون إحتمال

لكن أكيد و لا جدال

جيفارا مات موتة رجال

*******

يا شغالين و محرومين

يا مسلسلين (3)

رجلين و راس

خلاص خلاص

مالكوش خلاص

غير البنادق و الرصاص

دا منطق العصر سعيد

عصر الزنوج و الامريكان

الكلمة للنار و الحديد

و العدل أخرس أو جبان

صرخة جيفارا يا عبيد

في أي موطن أو مكان

ما فيش بديل

ما فبش مناص

يا تجهّزو جيش الخلاص

يا تقولو عَ العالم

خلاص

الإعجاب و المشاركة:
fb-share-icon0
20

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Twitter20
Visit Us
Follow Me
139